黎智英被控「串謀勾結外國勢力」、「串謀刊印及發布煽動刊物罪」，2月4日在西九龍裁判法院續審。控方在庭上引述黎智英2019年9月8日專欄文章〈這是良知之戰〉，指他煽動仇恨，文章寫道：

「黑夜靜寂無人，全副武裝警察排列嚴陣以待，在尋找敵人。未有催淚彈、胡椒噴霧、布袋子彈發射，未有警棍狂揮掠影硝煙四起之前，已等得不耐煩。馬路對面行人路，孤身一人站着的白衫青年問：『阿Sir，係咪跌咗良心？』，即使是兩手空空孤身一人的青年，也不能錯過『敵人』的出現。不由分說一群警察衝過去，為了發洩個痛快，幾個警察把青年推倒壓在地下，打到頭破血流。」

控方質疑文章沒解釋事件背景，黎智英指自己是看新聞得知，就他的文章而言，所交代的內容已經足夠。控方問，足夠製造畫面煽動仇恨？黎反駁只是陳述事實。此時控方居然質疑黎捏造事件，黎回答：「你可以去核實，我沒捏造。」

「阿Sir，係咪跌咗良心？」這句話雖然久未聽過，但我還是記憶猶新。控方指為虛構，難道又是曼德拉效應，我錯記了平行宇宙的新聞？但只要花三分鐘google一下，就知道活在平行時空或假裝活在平行時空的人，是控方。

根據《東網》2019年9月4日報導，題為「修例風波：問警察係咪跌咗良心遭棍毆 青年頭傷縫5針」，2019年9月2日晚間，一名22歲朱姓青年在旺角彌敦道附近，因為問了防暴警一句：「阿Sir，你係咪跌咗嘢，係咪跌咗良心？」隨即遭多名警察制服，「疑亂棍毆打」。《東網》指青年的頭部受傷，須縫五針，肩膀亦腫脹。該青年當時正被警方扣查，未能詳述事件細節。

黎智英在同年9月8日專欄寫的，顯然指這件事，何來「捏造」？2022年9月1日，《法庭線》還有一篇報道〈831 事件後太子向警喊「良心去咗邊？」 男生遭制服受傷 入稟指遭警傷害索償〉，指原告人為朱智仁，被告人為律政司司長。入稟狀稱朱男於2019年9月2日在彌敦道792號附近遭受人身傷害。《法庭線》根據《蘋果動新聞》直播片段，敘述事發經過：

//根據《蘋果動新聞》事發時的直播片段，男生當晚獨自在太子一條行人路，隔馬路向警員喊叫「警員，你們跌咗嘢，良心呀」，有人回應「大家咁話啦，良心喺呢度」，原告再問「7.21 你哋去咗邊？黑社會打人嗰陣你哋去咗邊？」

片段顯示，有警員上前，男生跑走，數名警員隨即上前追捕，並用警棍、盾牌等制服男生，將其壓在地上。男生的白 T 恤其後現血迹。//

《法庭線》報道原文：https://t.ly/OehL1

《蘋果動新聞》影片（保存於YouTube)：https://t.ly/724MV

朱智仁曾受訪說，遇襲後他的頭部有3至4厘米傷口，要縫5針，且牙鉸鬆脫，左手拇指亦難以屈曲。他索償的案件編號是：DCPI 2983/2022。（注1）

由此可見，黎智英文章並非無中生有，而是根據公開報道和影像紀錄所作的合理敘述。控方要核實內容，其實不費吹灰之力，但他們偏要借題發揮，指控黎「製造畫面煽動仇恨」、「捏造事件」，也難怪同日黎生按捺不住怒火，忍不住在法庭罵控方：「你多次把話強加諸於我口，真是毫無羞恥和誠信可言！」

注

1 編號DCPI 2983/2022一案，我查不到判詞和進展，不知索償是否成功。請教律師友人，獲得以下回覆，附錄於此，供各位參考。讀者如有此案消息，歡迎賜教：

//呢單係民事傷亡索償案件（簡稱P I case），原告人由區域法院入稟，到而家兩年幾冇消息，我覺得有幾個可能：

1. 雙方可能已經庭外和解。如果呢個假設係真嘅話，通常雙方都會喺和解協議中加入保密條款，不能對外公開，所以法庭網頁，唔會有呢單案件嘅進一步消息。呢個係最樂觀嘅假設。

2. 亦有可能，案件仍在進行中，但係去到某一個程序階段嘅時候，因某啲原因stuck咗喺度，而是但一方又冇去push個case嘅話，亦會出現喺法庭網頁中，乜都查唔到嘅情況。

3. 我睇到am730嘅報道，我覺得有可能原告人只係入咗一份簡單嘅Indorsement of Claim，而唔係詳細嘅Statement of Claim。如果真係咁，就有可能佢連張入稟狀都未派送到俾律政司、又或者就算派送咗張Indorsement、但後來未有送程序上必要嘅Statement of claim。

咁樣，亦會令件案件不了了之。呢種情況，響原告人冇搵律師、而由自己代表自己嘅情形下，最容易出現。唔知原告人有冇律師代表，一般P I case，受害人通常都會尋求法律援助，但係我懷疑，原告人呢類案件，法律援助署會唔會批法律援助俾佢。如果冇啲維權律師樓肯仗義幫佢，自己一個人，實在好難打落去。//

相關文章：

黎智英平安之道

2022-5-21

https://www.patreon.com/posts/66704000

本文獲作者授權轉載自「馮睎乾十三維度」Patreon

（編者按：本文僅代表專欄作者個人意見，不反映本報立場。）@

----------------------
🎯 專題：中共海外升級攻擊法輪功
https://hk.epochtimes.com/category/專題/中共海外升級攻擊法輪功
----------------------
【不忘初衷 延續真相】
📰周末版復印 支持購買👇🏻
http://epochtimeshk.org/stores

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand