立法會衞生事務委員會今日（9日）召開會議，實政圓桌議員田北辰在醫務衞生局長盧寵茂回答問題期間嘗試追問問題，惹來主席張宇人不滿，批評田北辰「無禮貌」，田北辰反批張宇人「燒哂我時間」，雙方爭執約3分鐘，最終田北辰被逐出會議廳。
田北辰指，本港入境檢疫措施改為「3+4」，即3天指定酒店檢疫加4天居家醫學監測後，輸入個案沒有增加，希望當局將入境檢疫進一步放寬至「0+7」。他亦關注長者接種第三針的問題。
盧寵茂回應時同意入境檢疫安排調整後，未見有引致本地爆發的風險。不過他認為，輸入個案佔比低是因為本地疫情升溫，當本地個案下跌，輸入個案的比例將會上升。他又指，輸入個案較多涉及變種病毒株，檢視入境檢疫政策需要更多數據。
局長回答期間田北辰曾嘗試追問，但被主持會議的張宇人阻止「你等局長答哂先好無」，雙方爆發口頭衝突。張宇人說：「田北辰議員，我已經同你做同事做咗好耐，你係時時都插口，係局長、係任何官員答嘅時間我希望你有啲禮貌，等人哋答完先，你唔好插落去」，田北辰回應：「我係非常有禮貌，主席你插口我就唔覺得你好有禮貌」。
張宇人又說：「我有責任去維持呢個議會嘅一個順暢運作，我亦都有責任等官員去答你嘅問題，我依家聽緊佢答你第一個問題，未去答第二個問題」。田北辰不滿，要求「畀番一分鐘（問答時間）我」，「你依家燒哂我時間」，張宇人拒絕「我唔會畀任何時間你」，其後更要求關閉田北辰的咪高峰，又要求盧寵茂以書面回答田北辰第二條問題。
田北辰不滿，再次要求「畀番一分鐘時間」，但遭張宇人警告「你繼續係度發言，我就要請你出去」，雙方爭執不下，張宇人要求秘書「請田北辰議員出去」，田北辰說：「你請我出去吖」，張宇人又說：「唔緊要啊，你係唔係想我請你出去？我唔介意」。
田北辰又說：「局長你燒哂我時間，局長想答你都唔畀佢答」。張宇人就說：「 你問問題官員答問題唔係得你一個人聽，市民聽緊、其他同事聽緊，我係有責任畀官員去清晰清楚答你哋嘅問題」，隨後他宣布休會5分鐘，田北辰離開會議廳。
田北辰事後表示，並非被逐出而是自己走出會議廳，他說當時想說輸入個案並非只是比例下降，實際數字亦有下降，希望澄清事實。他又批評張宇人是一個「掗拃」的主席，「主席唔應該用議員時間問嘢」，「我忍咗佢好耐」，不過他承認當時有「少少情緒」，但強調是「對事不對人」。@
------------------
🎥【動紀元】每日有片你睇：
https://bit.ly/3PJu3tg
☑️ 登記會員享專屬服務：
https://hk.epochtimes.com/subscribe
☑️ 贊助大紀元：
https://www.epochtimeshk.org/sponsors
☑️ 成為我們的Patron：
https://www.patreon.com/epochtimeshk
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
