草蜢上周五（19日）和周六（20日）於新加坡聖淘沙舉行一連兩場《GRASSHOPPER 2024 RE-UNION CONCERT》演唱會，除準備了勁歌熱舞外，更特別為當地歌迷獻唱「新加坡國寶」陳潔儀的經典名曲。當地歌迷相當熱情，完場後仍不願離開，最終草蜢進行了第2次Encore報答歌迷。

草蜢當晚以全新服裝登場，一連唱出《好戲在後頭》、《華麗舞台》以及《三分鐘放縱》等節拍強勁的歌曲，觀眾尖叫聲四起，不斷揮動手上的螢光棒，氣氛熾熱。蔡一傑說：「為咗今次嘅演唱會，換咗一套新衫出場，畀新加坡朋友耳目一新嘅感覺。」蔡一智鬼馬地說：「好靚㗎我條褲，閃晒㗎！」蔡一傑和應：「我條褲同件衫都好靚，加咗新元素會令自己起勁啲。」他們預告下一站的佛山站，以及再之後的美國站，歌曲編排上會略有不同，希望歌迷能夠期待。

當演唱會去到中段時，觀眾蜂擁上前與三子握手合照，草蜢走到台邊連環派心加飛吻。獻唱《寶貝對不起》時，三子更大派禮物，全場又唱又跳兼大玩人浪，猶如大型派對現場一樣。草蜢亦獻唱新歌《Framily》回應觀眾的熱情，蔡一智於台上表示：「《Framily》係送畀所有愛草蜢嘅粉絲們，你哋就好似我哋嘅家人一樣。」

除勁歌熱舞外，蔡一傑更特別獻唱「新加坡國寶」陳潔儀的經典歌曲《擔心》，前奏一起，全場尖叫聲四起。蔡一傑說：「我哋原本邀請陳潔儀做嘉賓，但佢有啲家事未能前來同我哋一齊玩，佢答應咗下次一定會嚟做我哋嘉賓。大家都好喜歡我唱呢個版本嘅《擔心》，好開心得到好多掌聲。」

完場後，觀眾意猶未盡不肯散去，寵粉的草蜢再度上台為樂迷帶來二度Encore，唱出《我們都是這樣失戀的》、《愛拼才會贏》、《夢伴》以及《失戀陣線聯盟》，蔡一智說：「下一站佛山，如果大家都好熱情，可能又會有另外一啲驚喜，我哋會練定好多歌，隨時俾你哋點唱。」

今次的新加坡之行亦勾起草蜢很多的回憶，蔡一傑說：「諗返起喺呢度錄唱片，新加坡嘅人對草蜢係非常之熱情。」蘇志威續說：「我最深刻係2000年，我哋三個一齊喺新加坡跨年演唱，喺電視台唱廣東歌，我哋都係第一個，呢啲都係我記得嘅小小事跡。」@

------------------

🏵️《九評》20周年👉🏻 https://hk.epochtimes.com/category/專題/退黨大潮

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand