香港殿堂級組合草蜢成員蔡一傑近年開設的YouTube頻道《傑少煮意》深受觀眾歡迎，4年間拍攝過百條煮食教學片。正忙於巡迴演唱會的傑少宣布，將推出《傑少煮意》實體書，並於本月17日親臨書展舉行簽書會，與書迷見面兼分享下廚心得：「每道餸菜由採購，到洗、切、煮，每個步驟都花盡心思，希望將呢份心思擺落書，等大家可以作為紀念。」

《傑少煮意》分為5大篇章，包括「傑少拿手菜」、「回憶的味道」、「家常煮意」、「好友同聚」和「周遊列國好味道」，合共收錄46個食譜。而「好友同聚」中的「古天樂炒米粉」更加是引人入勝，到底它的真身是什麼？傑少笑說是星洲炒米，並解釋指：「以前同古天樂一齊拍戲，知道佢成日食星洲炒米，佢話因為熱食好食，凍咗都好食。同埋材料又多，營養亦都相對地多，所以佢好鍾意食。」

而「回憶的味道」，傑少直言最具代表性的必定是蒸肉餅，他說：「佢係同媽媽、兒時回憶劃上等號」。傑少憶起小時候住在屋邨的日子，食飯時間總會聽到鄰居剁肉餅的砧板聲。他說：「聽到剁剁剁剁嘅砧板聲，你就知嗰家人今晚有肉餅食，所以肉餅係充滿回憶」。

至於觀眾最愛，傑少表示一定是洋蔥豬扒，而在《傑少煮意》YouTube頻道中，洋蔥豬扒的教學影片觀看次數更超過一百萬，非常厲害。

雖然傑少煮過逾百道餸菜，但他會避免烹調多油的食物。他說：「我唔會喺屋企煮要用好多油嘅食物，例如炸煎堆、炸油角，炸蝦多士。因為好怕炸完啲油唔知用嚟做咩，不如出街食，所以出街會叫晒啲煎炸嘢嚟食」。＠

------------------

🏵️《九評》20周年👉🏻 https://hk.epochtimes.com/category/專題/退黨大潮

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand