網上流傳一名駕駛九巴87D線的司機，在駕車到旺角時，不懂如何去尖沙咀，大聲求援。在乘客嘗試教導下，司機慢駛但「飛站」。九巴稱，經調查後已暫停涉事車長駕駛職務。

有網民日前分享，該名「有口音嘅女司機」在拔萃男書院附近，「唔知係咪cut錯線定點，突然間勁大聲話唔識揸」，稱不知道怎樣去尖沙咀，並不停問「而家行邊條線？轉左定轉右？邊個路口轉？」

網民在帖文形容，「下層乘客呆咗，有乘客大聲嘗試教佢點行，轉左定右、行邊條線，架巴士就開始慢駛，但飛埋站」。之後「有個阿叔忍唔住，叫女司機『起身坐落黎抖抖』，話佢幫手揸（真係嚇到呆咗） 最誇張係個女司機好似猶豫緊，似乎竟然想應承」。網民並指有乘客不停打去九巴熱線，但無人接聽，有乘客按鐘相下車「又唔停，站又飛咗」，並指巴士「無啦啦窩打老道駛去亞皆老街，再慢慢出返彌敦道。」

帖文並指有乘客一路教司機駕車，「叫佢睇下有冇人要落車，點樣泊返埋站」，又有乘客安慰司機。該網民稱，最後去到尖沙咀司機再「飛站」，自己要「行返轉頭」。

發帖網民形容事件是「巴士奇遇記，好癲」，已經在即日向九巴報告事件，期望對方日後加強車長的培訓與應變能力。

九巴回覆傳媒查詢時，表示關注事件，經調查後已暫停涉事車長駕駛職務，並對受影響乘客致歉。九巴強調重視行車安全，所有車長都要接受嚴格培訓，包括駕駛技術、路線訓練及應對突發事件方法和指引等，亦定期提醒車長必須遵守行車路線，安全指引及公司守則。

有網民質疑巴士公司「都唔知請埋啲咩人返嚟」，有人說「我會叫佢埋站停低唔好再揸」，亦有人質疑「點可以比客渣呀？有意外上黎成車都冇得賠」。

有網民批評政府「司機都準請外勞呢個政策本身就癲，將成車人嘅性命交去一個人生路不熟，只接受過短時間培訓，甚至連溝通都有問題嘅人手上，真係得班坐喺政總嘆冷氣望海景有司機接送嘅高官先諗得出」。翻查資料，政府2023年起推出輸入勞工計劃，容許公共小巴及客車行業輸入司機，但未包括專利巴士。

在計劃下可輸入司機的配額總數為1,700個，政府分別在2023年9月及2024年7月透過兩輪申請，悉數批出所有配額。在第二輪申請獲批的849個配額中，截至2025年6月底，共有716名輸入司機已獲僱主安排完成相關培訓和考核，包括考取相關駕駛執照，並在完成相關路線的訓練後投入服務，當中包括422名公共小巴司機、167名本地客車司機和127名跨境巴士司機。@

-------------------
局勢持續演變
與您見證世界格局重塑
-------------------

🔔下載大紀元App 接收即時新聞通知：
🍎iOS：https://bit.ly/epochhkios
🤖Android：https://bit.ly/epochhkand

📰周末版實體報銷售點👇🏻
http://epochtimeshk.org/stores