黃耀明（明哥）將於3月14日在澳洲墨爾本舉行唱會，不過由於門票銷情未如理想，主辦單位周二（5日）宣布演唱會將會移師較小的場地舉行。明哥表示多得一班熱心的在澳港人支持，今次演唱會才得以成行，期望屆時能夠為澳洲的歌迷帶來最好的音樂。
黃耀明「邊走邊唱」墨爾本站原定於當地的Festival Hall舉行，不過主辦單位We Media表示，門票在過去一個月的銷售不如人意，主辦單位在取消及繼續演出之間一直掙扎，最後決定回到初心本意，將黃耀明、香港音樂帶來澳洲，以音樂連繫居於澳洲的香港人，因此決定將演唱會移師至位於Swanston Street的Max Watts舉行，並且就臨時更改場地一事向歌迷致歉。
We Media強調，即使移居外地，香港人仍是香港人，We Media會抱着一貫的專業態度，即使轉換場地，仍然會為各位帶來最動人的音樂盛宴。
明哥亦於社交網站公布演唱會更改場地的消息，並感激一班在移居澳洲的港人支持，讓演唱會得以舉行：「其實唱咗歌幾十年都未嚟過澳洲演出，而今次搞得成澳洲演唱會，其實是多得一班好有Heart嘅香港人，佢哋有啲係打工仔、有啲係老闆仔，但都好愛香港，好想澳洲嘅香港人都聽到我嘅歌，係佢地一齊夾份做成呢件事。」
明哥又慨嘆今次舉行演唱會雖然困難重重，但仍希望與當地的歌迷見面：「不過3月14日喺墨爾本Festival Hall舉行嘅演唱會，銷情並不理想，但係我哋唔想就咁失去咗同大家見面、演出嘅機會，所以主辦方決定轉換到一個較小嘅場地繼續舉辦。或者呢個就係今日嘅香港人寫照，行嘅路總係曲折又崎嶇，但路點難行都好，我地都會一齊行落去。場地嘅大小，觀眾嘅多寡都唔會影響我哋今次一齊玩音樂、聽音樂嘅初心。我亦都答應大家，會帶最好嘅音樂嚟墨爾本，我哋不見不散。」
明哥最後提醒，由於轉換場地關係，原先購買了Festival Hall的門票，將會經購票平台退款，呼籲已經購票的歌迷留意主辦單位We Media Australia 的公告。@
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
