歌手張敬軒應品牌邀請出席巴黎時裝周，期間更與填詞人好友黃偉文（Wyman）相約見面。軒仔更特意帶同叱咤獎座，為Wyman千里送獎，相當有心。
軒仔憑Wyman填詞的《隱形遊樂場》，相隔16年後再次奪得叱咤樂壇至尊歌曲大獎，他在社交網站Instagram上載了兩人拿著獎座的合照，並再次感謝Wyman：「一落機， 咩都唔駛講， 食咗呢餐先！呢餐慶功，本身應該喺倫敦，但係又有咩比喺巴黎更浪漫？多謝Y（Wyman），舊年先至有呢一首至尊歌，其實嗰晚喺叱咤講漏咗，從隱形遊樂場到青春告別式都多得Y嘅語重心長同支持，如果唔係佢一路督促我，應該去到今年都未交歌。」
軒仔又開玩笑覆述Wyman過去催促他交歌的說話內容：「#喂你又話有歌 #係咪想派歌㗎好交隻歌嚟 #又話自己寫唔好左諗右諗喇 #做喇 #又話做唱作人 #唔好走數喎你 #唔好淨係掛住攪其他嘢」。
軒仔表示：「喺公司各位同事都唔知/唔敢催好唔催好追好唔追好嘅時候， 佢會咁樣提醒我、鞭策我呢個懶人...一個會咁樣提醒你、緊張你嘅人，呢啲就係十幾年來嘅感情。呢首歌，呢個獎，呢個moment，最開心喺同你一齊分享。」
軒仔最後更以Wyamn另一首作品《失約巴黎》開玩笑表示，自已沒有「失約巴黎」，並指「中午流流慶功成支紅酒懟曬係基本嘢」。
Wyman亦在Instagram上載了和軒仔的同一幅合照，並大讚軒仔誠意十足：「本來佢話特登送嚟倫敦，我話駛乜唧，唓，我都喺巴黎⋯⋯於是，點都估唔到，最近兩次有人頒獎比我，都喺巴黎！！！咩叫誠意？呢啲囉！多謝張生真人示範」。@
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
