大渣哥賣糉撐王宗堯：硬住頭皮都係要撐

因涉在2019年7月1日闖入立法會，面對暴動、「進入或逗留在會議廳範圍」罪的藝人王宗堯，案件將於5月29日開審。「黃店」大渣哥茶記昨（16日）晚在Facebook發文，稱今年賣糉所有收益，扣除成本後會全數交給王宗堯。

該貼文先提到2014年「渣哥有位兄弟，佢當時份工係做緊凸首助選團，事業如日方中，佢叫做張癸龍」，「正當一切順風順水之際⋯⋯佢老人家竟然有富豪飯局尊貴會所唔去，𠽌一聲走咗去龍和道⋯⋯命運，亦由嗰一刻開始慢慢改寫⋯⋯」。而張癸龍是王宗堯在香港電視劇集《選戰》中的角色。

貼文指，王宗堯「由2014年開始陪住大家一起舉傘，共同進退，喺咁多年以嚟，我從未聽見過佢有哼過半句，從來沒有半點抱怨！」並稱讚王宗堯「絕對係個好人，佢嘅好人係幫人幫到包括家人，兄弟」，貼文相信，王宗堯今日面對的困難與壓力並非三言兩語能形容，直言「做兄弟嘅，當然不會坐視不理」，並指「好友個個都替佢擔心！」

「大渣哥茶記」坦言，現今營商環境極度惡劣，「月月虧損已經係常態」，並說自己今年本來不想再賣糉，「因為勞民傷財，食材成本又貴到難以置信」，加上銷情較之前差，但他們決定「賣埋今年」，指「兄弟有難，硬住頭皮都係要撐，所以就要靠大家集合嘅力量」，又說「渣哥從來不跪不叩不求人不告急，不過幫人就當然另計，希望大家可以一齊撐宗堯」。

貼文最後提到，「大渣哥茶記」的「極品鮑魚花菇瑤柱裹蒸糉」將於5月20日中午12時開始，正式接受網上預訂。「今年賣糭所有收益，扣除成本後會全數交給宗堯」。