一向撐政府不會直斥其非的知名DJ蘇施黃日前拍片，在自己的Youtube頻道斥香港政府新一輪抗疫措施的失敗，並質問政府：「你對付緊疫情，定係對付緊我哋呢？」她指Omicron只是一個溫和的流感，政府卻封關，取消各類演唱會及大型活動，禁止8國民機來港。她爆喊斥政府高官不會體察基層民情。
「親愛的香港政府 你等緊啲乜呢？」
針對香港政府公佈的新一輪抗議措施：1月8日凌晨起，為期14日禁止8個國家的民機來港，關閉大型活動場所，取消大型活動等新一輪防疫措施，阿蘇（蘇施黃）拍片，稱收到好多朋友關於取消飯局及看演唱會的訊息，遺憾看不到黃子華（舞台劇）、張敬軒（演唱會）。為此，她感觸直抒胸臆。
阿蘇直言，之前未有評論或批評過政府，係因自己都顧不掂自己，又點可以批評一個管治幾百萬人的政府呢？之前都採取「信住先」、「信佢啦」的態度，雖然有時都「鼓鼓」聲。
今次阿蘇終於忍不住大爆發：「親愛的香港政府，你等緊啲乜呢？」她手撫胸口質問：「我有小小感覺，佢唔係對付緊疫情呀，佢對付緊我哋！」她斥政府派錢都派得衰過人。
疫情由攞人命到溫和流感 谷針有用嗎？
阿蘇讚揚香港人，經歷了兩年的抗疫，已經很會對付或與疫情共存，會互相提醒戴好口罩。且時下疫情已由「攞人命」到溫和流感：「由一個可以殺死你的covid-19變到一個好mild的感冒。當然傳播威力大，但只是一個衝到氣管的感冒。」
「大家有什麼辦法可以阻止疫情呢？ 當疫情變得溫和時，你又lockdown（封關）？」 她指有食肆無辜被關，香港政府負有極大責任。無辜市民由不出聲都會鬧人。「我好想問下我的親愛的香港政府，你等緊啲乜呢？你有什麼措施或藥物可以對付到變化萬千的疫情呢？」
她認為Omicron只是流鼻水的感冒。當流感來襲，簡單方式就可處理。「打針可以幫到Omicron嗎？當疫情已經變種時，你谷針是否有用呢？當大家生存都有問題時，你又去關人店鋪，大家有乜辦法可以生存下去呢？ 我哋唔似政府官員，坐喺度有糧出。當然有人好辛苦，要去銀行拎現金。」
當年500蚊幫到基層過年 政府派5,000蚊俾得都好差
阿蘇指十幾年錢搵錢好容易，時下大家搵5蚊都難，左度又度，3-50蚊都要顧埋交電費。
阿蘇爆喊回憶當年在商台做節目時，500蚊都可以令多年未出街食團年飯的公公婆婆出街食餐飯過年，2-300蚊都可以解決到基層市民租金和過年買食物、買件新衫的問題。
「我想同香港政府各位高官講，你哋高高在上，真係唔了解大家，100蚊，300蚊，500蚊對普通市民來講都好重要。而當日你哋比5,000蚊時，俾得都非常之差！」
「愚蠢會累死人，專家係廢嘅！」
阿蘇呼籲政府：「當Omicron 只是一個溫和的流感時，你現在又封關？一本通書看道老，真係會死人㗎！」
她最後呼籲政府，「我求下大家、香港政府所有高官，可唔可以用下你嘅腦筋，體察下民情，我哋每日都生活得好辛苦，每一日都喺度struggle，唔係坐喺度收人工。我哋每一日都撲出去蚊錢，係撲出去蚊錢呀！」
「如果呢個世界上，大家都唔識呢樣嘢時，唔好用專家大我哋，我哋每一個人都係專家。專家係乜呢？專家係廢嘅！ 你話俾我哋聽，我哋去邊度搵錢呢？我哋唔係個個月有人出糧俾我哋㗎。唔該！唔該！」阿蘇最後合十求新一輪抗疫措施下市民的求生之道。@
------------------
請訂閱新官方YouTube頻道：
https://bit.ly/2XxPrsd
✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
