本港上周經歷極端暴雨，全港多區受災。不少車輛因被水圍困在駕駛途中「死火」，部份停泊在地底停車場的車輛亦淹沒。國際專業保險諮詢協會會長羅少雄今日（11日）接受商台節目訪問時指，如果車主有購買綜合車輛保險（即「全保」），應可獲得賠償。同時，他又預期今次索償額會較颱風「山竹」時的30億元為高。
羅少雄指，是次天災對保險業造成相當大衝擊，車輛是否已全面報銷，則要透過公正行評估。「我哋會分幾級嚴重性，好似浸到底盤係一級，之後到浸埋引擎，再之後涉及到電子嘢，咁就更嚴重。（洪水）過咗頂嗰啲車都要留意，睇下浸咗幾耐，浸咗全日當然大機會係全面報銷。」
他解釋，如果購買「全保」，保險賠償範圍會包括水浸的情況。但條例已列明車主要證明已盡力避免及減少意外損失。「你盡咗力都避唔到，或者以自身安全為主，你想做都做唔到，咁意外損失係歸保險公司嘅。」
羅少雄又指，賠償金額會按汽車維修費實報實銷，車輛若因水浸報銷，或會按車輛折舊後市價作賠償，但車主仍需繳付一定比例墊底費。
但如車主只有購買第三者保險，則只會賠償涉及人命傷亡的損失，保障範圍並不包括個人汽車及財物損毀，故有機會需要全部由車主自己負責。不過，若然事件涉及停車場或管理公司疏忽，例如沒有做好雨水疏導措施，車主亦可嘗試循民事索償，向有關人士或公司追討賠償。
他又預計，今次暴雨而造成的索償額，會較五年前超強颱風「山竹」的30億元索償額更高，預期明年保費或會增加。@
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
