於中環歌賦街開業逾90年的九記牛腩，一直是不少大陸旅客必到打卡的食肆，門外經常出現長長人龍。日前有大陸遊客將一段與九記老闆娘對罵的影片放上社交平台，帖文瞬間引起網民熱議。
事源有人因埋單離開時聽不到老闆娘說一聲「多謝」遂指「下次唔嚟」觸發罵戰，但老闆娘其後也不甘示弱，理直氣壯回應「我好生意，唔爭你嗰幾廿蚊」。有網民直指「一定要講多謝？你去麥記食嘢有無多謝？你去茶餐廳食嘢大部分都無多謝，喺屋企自己煮你老公老婆都無多謝喇……唉」。
據了解，該影片早前在小紅書發布，其後被網民轉發至「香港牛雜關注組」fb。從該段約42秒的短片所見，拍攝者站在九記牛腩門外，把鏡頭對準店內收銀處的老闆娘。她見狀回應「上網鬧多啲啦」，拍片者爆粗「祝你好生意仲唔好呀，多謝都無聲真係，衰X格」但老闆娘也不甘示弱說：「係，好恨你呀，好生意呀，爭在你嗰幾廿蚊。」旁邊員工和食客未有理會，大陸女食客又以「半鹹淡」廣東話繼續指罵老闆娘。據原帖文內容描述，該大陸女食客怒指在結帳時，老闆娘「多謝都無一句」，他們亦表示下次不會再來，之後便你一言我一語互罵，惟片段中未能確實罵戰因由。
影片經剪接後雙方罵戰更趨激烈，該大陸旅客對老闆娘解釋「我坐住呢度一路都無出過聲，講真」，老闆娘則直指「你個朋友一味鬧我」，大陸旅客反駁「你叫我買藥咩意思先」，老闆娘繼續指出「你做咩話我唔多謝你」，該旅客連隨說「你一把年紀，講嘢積下口德啦」，老闆娘露出鄙視眼神回了「係呀，我無積口得呀」，影片到此結束。
影片轉載到社交平台後，引起大批網民熱議。有網民表示「我聽日去幫襯」、「咁樣要支持啦」；有網民認為「九記十幾廿年一直係咁」、「九記多謝你先驚，哈哈」、「正常嘅香港人係唔會去」；另外有網民反問「唔講多謝係死罪」、「小紅書是批鬥工具」；但有網民直指「一定要講多謝？你去麥記食嘢有無多謝？你去茶餐廳食嘢大部分都無多謝，喺屋企自己煮你老公老婆都無多謝喇…。@
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
------------------
🗞️9.17暫別實體 立即訂購
https://bit.ly/buybyepaper
💾 9.17暫別實體 電子版已上架
https://bit.ly/buybyeEpaper
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
