近日一段港台節目《香江暖流》的片段熱爆網上，透過電話參與問答比賽的林婆婆聽錯題目，但仍然對主持人鄧添樂多番重覆要求答「歌唱組合名稱」的題目無反應，落力答出多種蔬菜名稱，鄧添樂努力忍笑，最後鼓勵婆婆「志在參與」，獲網民讚賞專業。
片段為港台節目《香江暖流》中的「極速15秒」環節，由鄧添樂主持。片段見到鄧添樂要求觀眾林婆婆在15秒內答出最多「歌唱組合名稱」，但是電話另一邊的林婆婆反問「係咪菜呀？菜呀？」，隨即狂數「生菜、白菜、芥菜、西洋菜⋯⋯」等。雖然鄧提醒林婆婆聽清楚題目，並重覆指問題是「歌唱組合名稱」，但林婆婆到正式計時的時候，仍然狂數蔬菜名稱，鄧一度提醒婆婆「唔係菜呀！」，但仍然無阻婆婆落力答題，並一直忍笑，到片段最後說明問題時方稍為「失守」，有少少走音，並鼓勵婆婆「志在參與」。
片段隨即在社交平台瘋傳，更引來不少店舖「抽水」，包括宜家傢俬貼出脫水器，再配上「菜心、白菜、芥菜、茼蒿、生菜、唐生菜⋯無論你聽啱定聽菜都好，乜菜我都洗得！ 」，連藝人林海峰也發文表示「有人問我最近有冇打過電話去隔籬台⋯」，因為他曾扮演婆婆的角色。
而主持鄧添樂在其IG回應「估唔到咁大迴響，多謝大家咁愛錫林婆婆，雖敗猶榮，賺哂（晒）大家嘅笑聲呀。其實每次玩遊戲，老友記都好緊張，試過問男藝人名稱，會口快講錯汪明荃；問女藝人名稱，然後講咗鄭少秋；但每位都會嘗試到最後，好值得大家鼓勵。想同公公婆婆玩遊戲，無任歡迎呀！唔好睇小佢哋呀， 嬴（贏）咗有超市現金禮券，仲可以買食，夠哂（晒）高纖」。
現為中大醫院名譽言語治療師的無綫前新聞主播梁凱寧亦有分享片段，並在ig用專業角度分享「言語治療小知識」，指婆婆分不到「歌唱」與「蔬菜」，是因為兩對詞語聲調、聲母、韻母一樣，令婆婆容易混淆。她又分享工作時曾經問一名婆婆「你係咪牙痛?」，對方回應「吓？而家打風？」，就是兩對詞語韻母一樣，令婆婆混淆。@
------------------
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
💎Miss NTD選美大賽現正接受報名：
https://bit.ly/MissNTD
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
