夏蕙姨籲特首競選辦：唔該做好功課 補番個頭盔喇

一向言行出位得來又好得體、深受一眾網民歡迎的夏蕙姨（夏蕙BB）昨日在Facebook發表言論，不過唔係普通言論，而係事關重大。事源今屆行政長官選舉的唯一候選人近日好尷尬嘅一單嘢。見慣世面和風雨的夏蕙姨就非常理解他，並呼籲特首競選辦公室的同事：「俾D心機去做好準備功夫，唔好搞到你個老闆咁尷尬啦！」並建議團隊補鑊：「補番個頭盔呀」。

特首候選人問候結業店鋪？

昨晚，夏蕙姨在社交平台Facebook發帖文，並上載一張今屆行政長官唯一候選人李家超落區體察民情的照片，只見相中男主角在一眾競選辦人員陪同下，光顧一間已經結業的店鋪。

其實件事係咁，前日（24日）上午，李家超在競選辦副主任譚志源、霍啟剛、黃英豪等人陪同下，到油麻地探訪2個基層家庭，沿路並不斷向市民揮手示好。當他途經一間藥房時，疑似未留意到店鋪貼有「光榮結業」「多謝支持」等大字，而向店鋪人員問候「生意好呀？」事件引發網民熱議，認為準特首不夠貼地，未能真正體察到民情。不過，今次就有人講到重點，係公關團隊的問題，唔關準特首事，而且仲替他「打抱不平」。