DJ阮小儀（小儀）今日（22日）凌晨小儀在社交平台上傳與Viu TV監製九叔的合照，透露對對方即將離開香港萬般不捨。身邊的朋友選擇離開，小儀自己又有無打算過走呢？
小儀凌晨上載兩張與Viu TV監製九叔的合照，並寫道：「一向鍾意搵靚女做主持嘅監製，我竟然有幸做到你不只一個創作嘅節目《考有feel》《1take過》，絕對係我前世做咗好多好多善事，今世至可以得到你嘅寵幸！」
她續寫道：「多謝你，業仔（呢個名由Tvb做15/16時已經習慣咁稱呼你）你真係一個好好好好嘅監製，你教我學懂做節目其實同做人一樣，夠善良，夠真心，個節目就會吸引！」
「唔捨得你離開香港啊⋯⋯雖然知道，總會有機會再合作，但都會唔捨得㗎嘛！嗱，有節目開，你叫到，我一定撐！正如你撐我一樣！多謝你，在心中！」。眼見身邊的好友離開香港，可見小儀的心情都萬般不捨。
有酒今晚吹：怕講大話會落地獄
日前，ViuTV節目《晚吹─有酒今晚吹》播出的第101集，邀請到小儀擔任嘉賓之一，與主持強尼和娟姐一起品嚐來自本地酒廠的氈酒。幾杯酒落肚，小儀就開始了酒後吐真言。她曾經被傳跟拍檔森美不和，並一度爆衝突。事實如何呢？
小儀說：「嗰陣時做好多嘢都會令佢（森美）好嬲，無論係On Air（做緊節目）定背後都會話（指責）你，嗰時我唔明發生乜事，有時仲會同幕後同事講（佢）壞話同吐苦水，但係依家終於明。」一段時間，森美一度受情緒病困擾非常嚴重。
小儀還開玩笑指，如果自己會落地獄的話，原因一定是歸咎於森美，「比如佢結婚同生小朋友，我係好早知，但記者問我嘅時候，我一定要幫佢講大話隱瞞，如果講大話會落地獄嘅話，我落地獄嘅原因一定係佢。」
做留下來的人：香港好多人和事要珍惜
當主持強尼問小儀退休後有甚麼計劃？會否留在香港時？小儀就真情流露，直言：「我成日都同自己或朋友講，你唔好當我係阮小儀，我想放工後離開電台或電視台，我係阮佩儀，我真名係阮佩儀，我係你朋友，唔係電視或收音機內嗰個，你當我係朋友就得啦，我係同平常人一樣。」
對於移民，她表示隨緣，不一定要移民。她坦言，自己鍾意日本福岡，都曾經想過在福岡買個單位，得閒過去住。「不過我的重心仍然留喺香港，因為父母喺香港，我係獨女，我要照顧佢哋，我覺得我要負起呢個責任。」
她說想留在香港，還有另外一個原因，「跟住就係，我越來越愛香港，我做咗愈多關於香港嘅節目，我就越發現，原來香港有好多人和事，其實係要珍惜！如果可以嘅話，我會儘量留下來，希望同仲住喺香港的人一齊努力，維繫住大家緊密嘅關係之餘，要愛惜呢個地方多啲。」@
------------------
請訂閱新官方YouTube頻道：
https://bit.ly/2XxPrsd
✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
