10集ViuTV原創穿越劇《940920》現正熱播，甫開場就帶給觀眾不少驚喜。除闊別幕前20年的蘭茜客串扮演家聰（劉俊謙 飾）姨媽，令觀眾大呼驚喜之餘，更有大家熟悉和喜愛的張敬軒出場，不僅應驗早前客串劇集的傳聞，軒仔今次更化身編輯與劉俊謙對戲，當中對白玩味十足，耐人尋味。

ViuTV劇集《940920》承接《二月二十九》，大玩時空穿越，當中對白精警，似講緊現實，似講緊自己，又似嘲諷某啲嘢。昨日播出第二集，甫開場就釋放驚喜彩蛋，令觀眾眼前一亮。斯文白淨軒仔到訪家聰屋企，令粉絲開心到洗版式打「軒公」。

「做人最緊要包裝」軒仔講緊自己？

劇中軒仔飾演一名出版社編輯，當他邀請家聰為準備出書的模特兒代筆寫標題時，家聰直言沒興趣。軒仔說︰「我真係唔明你，你夠錢使啦？出街又要著得靚，又音響、投影機，唔使錢呀？」之後家聰回答︰「做人最緊要包裝！」網民笑指軒仔的對白似講緊自己。

導演藉軒仔講出觀眾心聲

家聰同軒仔分享最近頻頻夢見一位舊友，令他有不少靈感，後來他索性將故事寫成書，當軒仔代為審稿時，就表示睇唔明個故事，「怕幾個年份跳嚟跳去，讀者會睇唔明呀！」而家聰就強調「呢啲叫鋪排」。

此時，軒仔就代觀眾講出心聲：「咁多伏筆，你全部解到畫？網上連載最憎就係呢啲爛尾故。」但家聰就辯解：「爛唔爛尾，好主觀㗎啫。」而此時，導演羅嘉駿就藉軒仔講出回應，「唔係，啲觀眾會鬧㗎！」

暌違已久蘭茜出場 與簡慕華飾演姊妹

睽違幕前已久的蘭茜（簡詠嫻）今次在第一集就出場，令不少觀眾大呼驚喜和親切。藝人王宗堯都在社交平台按讚表示開心。蘭茜在劇中飾演家聰姨媽余淑敏，聲甜好戲的簡慕華飾演她的妹妹，兩人有不少對手戲。

蘭茜自2013年有份主持《超級無敵獎門人終極篇》後，逐漸淡出娛樂圈，重返校園修讀碩士及學習畫畫，增添知性美。今次重返幕前，令不少網民充滿期待。

昨日（8日）深夜，軒仔在社交平台上載數張與家聰戲中劇照，留言並tag劉俊謙寫道：「喱期去咗幫人做吓part time 編輯，點知就遇到個成日要氹佢交稿嘅大作家家聰」。之後，軒仔更表示「 開心和感恩」。@

------------------
請訂閱新官方YouTube頻道：
https://bit.ly/2XxPrsd

✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk

------------------

🗞️9.17暫別實體 立即預購
https://bit.ly/buybyepaper

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand