英國曼徹斯特演唱會爆炸 港藝人名人擔心子女當地安全

美國流行樂壇小天后Ariana Grande 22日晚在英國曼徹斯特開演唱會，期間發生爆炸慘劇導致多人死傷，事件震驚全球。

香港娛樂圈藝人張兆輝的兒子及名人何鴻燊的四房千金何超欣也在英國讀書，做家長的難免也會感到擔心。而任達華及太太琦琦在英國也擁有多個物業同餐廳生意，對歐洲的安全問題也很關注。

張兆輝教囝囝留意環境事事小心

張兆輝經常提醒兒子在外時要留意環境保護自己。（TVB facebook圖片）

英國發生演唱會爆炸事件，不少香港藝人都有子女在當地讀書。藝人張兆輝坦言都擔心兒子在當地的安全，他表示：「今朝（23日）係個仔發呢個新聞畀我睇，當然係有啲擔心啦。」他還透露經常教導兒子：「盡量唔好喺多人嘅地方聚集。如果要乘坐火車，最好等到最遲一刻先上火車。要留意左右隔離，唔好掛住睇手機，要留意周邊事情。發現冇人認領嘅袋要小心處理，就算唔係炸彈，都當咗佢係先。上到火車或者飛機，都要同屋企人報個平安。」張兆輝表示兒子已經長大，好多事都要自己去面對同處理，總之希望他事事小心。

何超欣在英國學校寄宿

何鴻燊與梁安琪的女兒何超欣在英國讀書。（網絡圖片）

何鴻燊四房千金何超欣現正在英國讀書，對於發生爆炸事件，四太梁安琪表示：「佢在英國學校寄宿，好少出外，唔會去呢啲地方。」四太亦提點女兒要小心及多留意周圍環境，同埋要少啲去人多嘅地方，安全為上。

任達華英國擁多個物業同餐廳

爆炸事件令任達華夫婦對歐洲安全問題非常關注。（資料圖片）

任達華在英國擁有多個物業和生意，他接受媒體訪問時表示：「睇到單新聞好唔舒服，總之大家要做好安全意識，希望上天保佑所有人！」他說自己好鍾意英國，而曼市亦係好多華人聚居嘅地方，希望大家平安！琦琦表示女兒任晴佳（Ella）原來已買了飛睇Ariana Grande 在港9月的演唱會，現在發生爆炸事情，有可能要取消。而老公任達華在英國有物業同餐廳，夫婦倆都好擔心歐洲現在的安全問題，琦琦希望今次傷亡可以減到最低，她說上星期去了英國，覺得現在外遊到甚麼地方都要小心，並表示香港係福地，大家要珍惜。