大埔宏福苑7幢受災樓宇的居民，第二輪上樓執拾今（23日）進入第3日。宏仁閣、宏新閣和宏泰閣居民分批上樓。有居民說，單位無受大影響，無信心今日能執好，希望能有第三次回家的機會，但希望能原址重建。

宏建閣居民秦小姐稱因工作關係，向當局改日子，返回單位。被問到會如何同單位告別，她直言「總之執曬啲嘢先，因為仲有好多嘢未執，我覺得唔夠時間用。」

被問到賣業權，她稱要由作為業主的家人決定，但是自己喜歡這個地方、不捨得，想繼續留下來。她並指現時大家對方案不太清楚，該單位「本身我諗住住一世」，現在「好似強迫我哋去賣咗佢」，「佢哋好似俾好多選擇我，但其實又好似無選擇咁」，稱自己「好多嘢諗，總之好多嘢煩咁樣」。她並說無聽到有關開業主大會的消息。

42年居民：無原址重建選擇，無辦法

另一住在宏泰閣27樓單位42年的莊女士稱不捨，「仔女喺度大」，自己會拍下從家望出去的風景留念。

她說最想開居民大會，「好多人都希望原址重建，但我哋知道呢個系我哋嘅幻想嚟，應該係無機會㗎啦」，「原址重建睇佢（政府）個樣都唔肯㗎啦，點都唔會肯㗎啦！我哋就諗話如果可以起兩、三座，有啲人想返嚟住就喺度住囉，有啲人想走咪走囉！但係佢都無呢個選擇畀我哋，咁我哋都無辦法囉」。

她無奈道：「業權你唔賣都唔得㗎啦，無辦法啦，我哋無得選擇呀」，續道：「咁多人做錯咗咁多嘢，即係唔肯好好地咁做好自己嘅本份，呢個又『唔理想』，嗰個又『唔理想』，咁咪搞成咁囉，咁都冇辦法啦！」，「人哋有一座成座得一間燒咗咋嘛，都無得返去住啦，都無辦法啦呢啲，唯有嘆自己唔好彩」。

她說收到收購建議信，但「睇都費事睇啦！我諗住去最last（後）嗰陣時先至諗，因為咁多嘢你真係處理唔到呀！嗰封信係掛號寄嚟㗎，好似驚死你唔要咁囉！」@

-------------------
局勢持續演變
與您見證世界格局重塑
-------------------

🔔下載大紀元App 接收即時新聞通知：
🍎iOS：https://bit.ly/epochhkios
🤖Android：https://bit.ly/epochhkand

📰周末版實體報銷售點👇🏻
http://epochtimeshk.org/stores