香港馬拉松紀錄保持者黃尹雋今日（2日）在社交網站Facebook發文，表示自己由今3月開始向田徑總會諮詢有關奧運馬拉松外卡報名事宜，惟一直未獲回覆，直至早前馬拉松外卡截止報名當天才被告知，自己被認可為有效香港紀錄的成績為無效選拔成績。黃尹雋表示不明白田總的邏輯，但會尊重有關決定，並指「總會定嘅規矩，要加入就只有服從」。
黃尹雋以「關於《奧運外卡》」為題發表帖文，指自己由於近兩個星期的肝酵素直上3200，留院兩個星期，因此要以成績達標已不太可能，因此希望以奧運外卡報名。
今屆奧運田徑賽部份項目，參賽地區若無人達標，可以外卡身份派出一名運動員參加，其中馬拉松是受惠項目之一。由於黃尹雋是香港暫時唯一一位運動員，達到田總上年年尾公布的「綜合運動會選拔標準A標」，因此他由今年3月底開始向田總諮詢，但遲遲未獲回覆。最終，他在馬拉松外卡截止報名當天才被告知：「自己被認可為有效香港紀錄的成績為無效選拔成績。」
黃尹雋表示，自己並不明白當中邏輯，但會尊重田總的決定，因此未有追問原因，又指「總會定嘅規矩，要加入就只有服從」。他又指如果自己在幾年前遇上這件事件，肯定會感到不開心和失望，因為當時以為運動員就只有「奧運」這兩個字。
黃尹雋又分享，近年他對運動員這個身份已經有不同看法。「其實全世界能夠去到奧運嘅運動員只係一小部份，淨低嘅人都係繼續默默耕耘，係唔同地方發光發熱，同時亦係佢地嘅工作，收入來源。一直都覺得香港做運動員同外國比有種講唔出嘅違和感，反正就係感覺完全唔一樣，唔同項目亦都好容易互相比較，參與奧運先叫成功，否則就係失敗者。或者可能係大圍嘅環境令到好多人覺得做運動員只有奧運同追夢，唔係真正職業嘅概念。」
最後，他表示回顧這一刻，其實很高興越來越做到自己心目中的樣子。可以讓自己的興趣成為工作，維持生活。又指奧運仍然是他其中一個目標，但只是其中一個里程碑。「運動員唔應該只係得奧運，目標仲可以係國際田聯標牌比賽上頒獎台，又或者六大馬拉松去到前8名，又或者簡單點，將PB（個人最佳成績）有咁快推咁快。」@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
