雲浩影新歌《放下放不下》 首嘗作曲滋味

「治療系女聲」雲浩影（Cloud）初嚐作曲人滋味，與前輩Alex Fung（馮翰銘）、TonYNot和朱琳創作新歌《放下放不下》，並由藍奕邦填詞。MV中，Cloud透過漫遊夢境，調節心態面對「放不下」的人和事，接納這些都是成長的回憶。

新歌《放下放不下》的創作班底，幾乎與Cloud之前作品《氣流》一樣，她直言好開心能與他們再度合作，寫下這首令人澎湃感動的歌。「歌詞係講，有啲人陪我哋走過青春，久唔久會諗起佢，想知佢過得好唔好？啲人成都話要『放低』，但我自己覺得『放唔低』都唔緊要嘅，所以就有呢首歌《放下放不下》」。

Cloud表示感謝藍奕邦的填詞，讚對方好有心機考慮自己會如何唱，選擇方便Cloud去唱的用字，「整個錄音過程好舒服」。

Cloud在MV中有一場要飛撲到床上，然後3位工作人員從後向她身上拋下幾張毛氈，要配合好時機才能拍出效果，結果Cloud來回飛撲十幾次導演才收貨。Cloud憶述時笑言：「真係撻咗好多次呀！因為要夾埋工作人員嘅動作，而我想畫面唯美啲，保持個樣靚，希望跌落床一刻感覺溫柔啲，但其實係撻落去！」

Cloud又形容「MV故事講我夢入面返去回憶，回憶中有一個男生陪我走過青春，縱容或者係容忍咗我嘅任性、教識我成長、學習去愛人。可惜長大之後，我愛嘅人不再係佢。MV裏有一場醫院景，寓意我係一個愛情病人，對愛情好執著，放不下嘅人。呢首歌就係講：一係就由得佢，一係就完全放下」。

被問到會如何選擇，Cloud坦言：「希望自己某程度由佢放唔低，唔使咁執著一定要放下，因為都係美好回憶，陪伴大家走過青春。」@

------------------

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand

雲浩影新歌《放下放不下》首嘗作曲滋味