何韻詩郊遊大字放鬆 帶貓出遊引發話題熱議

年初四，何韻詩在個人社交FB網頁上載數張相，一個人手牽一隻豹紋貓，「笑口常開」咁帶住隻貓在郊遊，隻貓亦旁若無人咁漫步。只見身邊無甚人影，相信都係郊外僻靜小路。

相中的阿詩坐在草地上休息時，只見遠山林木蔥鬱，近處有陽光灑落草地，幾舒適寫意。貓咪趴在草地上時，目光淡定，雙眼炯炯有神。看起來都幾得意。之後，阿詩又一個人大字型躺在一片柔和的草地上，草地廣袤似無盡頭，舒適放鬆之餘，都幾洗滌心靈。

其中一張相，阿詩坐在小艇甲板上，貓咪就前腳搭在她的手臂上，依偎在她身邊。而從令一張合照中看，相信阿詩都是相約三五知己郊遊。

不過，此舉就引發好多話題。有粉絲讚貓咪「好型」，「怎麼有這麼帥的貓～～～跟主人好稱～～～」亦有粉絲說：「初四有小老虎陪伴，真的超帥超可愛」「見到你能夠自由安全地做自己喜歡的事就好了。新年平安！」

有人就分析隻貓身上有虎紋和豹圖。今年係虎年，有人就打趣道：「嘩，隻老虎好大隻！」「放虎歸山？」「唔係猛虎唔出山！」「勢成騎虎」......

不過，有人就質疑並提醒阿詩，帶貓出遊係好唔恰當的一件事。

其中一位粉絲直言「唔好再walk貓啦，佢一嚇親，標走咗就搵唔番㗎啦。你就傷心佢就死路一條」，另有的說「好靚好可愛呀，豹紋貓好活躍要帶頸項繩唔係走失就肉痛啦」

「慘...何小姐係公眾人物, 人氣歌手, 一定會有人有樣學樣, 而家已經日日都有人出posts話帶貓出街或行山露營因而走失」

當然也有人為阿詩和貓咪抱不平：「個個都留言話唔好放貓，真係唔了解豹貓同某啲貓係好需要出門放電。每個主子習性都唔同，只要奴才有信心同主子開心就好，點解咩都要批評一餐？」@

------------------
請訂閱新官方YouTube頻道：
https://bit.ly/2XxPrsd

------------------

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand

何韻詩郊遊大字放鬆帶貓出遊引發話題熱議