藝人陳法拉專程從美國飛回來，昨天以一身低胸晚裝現身，出席一個知名品牌的香薰專門店開幕活動。出席活動的還有王敏奕、Jessica C.和卓韻芝等藝人。
撒上香薰 對法國情有獨鍾
法拉撒上Lucky香薰，散發出清新花香。對法國情有獨鍾的法拉，對店內環境讚不絕口，表示猶如置身法國的公寓，香氣讓她心情舒暢。她透露自己和法國很有緣份，之前指導的微電影也是在法國鄉村取景，難忘法國鄉村的花香氣色。去年她和朋友自駕遊法國，今年也將與男友Emmanuel Straschnov同遊法國。
紐約試鏡過程艱辛 但很享受
今年5月，法拉在美國紐約完成4年的戲劇碩士課程後，與美國一家經理人公司簽約，決定留美發展。她現在忙於試鏡，坦言過程艱辛，但是很多影星出名都要經歷過程，重要是保持健康的心態。
談到隔天又要前往美國試鏡，法拉話：「因為喺嗰邊都有好多面試。（試咗幾多次？）都試咗好多，有10幾20次。」問到係咪當地角色都需要亞洲人面孔？她說：「都少，好過幾年前，始終亞洲人喺嗰邊嘅人口比例好少，得5%，所以佢哋寫嘅角度可能得幾個係畀亞洲人，但呢幾年算係多。不過反而多咗劇本，係畀任何人都可以演。」
至於會唔會試鏡試到頭暈，法拉直言會：「有時個過程複雜，時間要好耐，經過好多關，到最後都未必會揀你。（會唔會感到氣餒？）都enjoy個過程，同埋可以認識多啲唔同導演、制作人，所以要保持心態健康，雖然有唔同挫敗，但喺美國好出名嘅演員都會有呢個過程，要習慣佢哋嘅工作模式。」
Jessica C.讚老公超級Sweet 敏奕對香薰愛不釋手
Jessica C.剛誕下囝囝Elvis，再次做人母。產後的她首次出席活動。Jessica C.表示老公是一個超級Sweet的人，整天都送驚喜或禮物給她，也是一個Super Daddy，對她及一對仔女Tessa和Elvis照顧得很好。
王敏奕亦出席昨日活動，敏奕對香薰愛不釋手，表示香氣可以提升魅力，喜歡被花香包圍。◇
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
