姚書軼接受整容打針微調 動刀可免則免

名模姚書軼（Mikki）昨日出席化妝品牌活動，被問到會否接受打針整容？Mikki表示日後自己年紀漸長，都會接受整容打針去微調，令自己容貌看上去順眼些，女性天生愛美，所謂女為悅己者容。

動刀整容怕會上癮

現年37歲的她保養得宜，她還說：「依家啲人好早就開始接觸護膚品，而自己因為工作需要，好細個嘅時候已開始接觸護膚品，依家都有用美容儀器來保持皮膚嘅彈性。如果可以防皺同抗衰老，到無可救藥時我都會諗吓嘅，我唔抗拒整容打針。」（是否動刀都接受得到？）「輕巧好啲，可以唔動刀就最好唔動刀啦，但到60、70歲時亦唔介意，不過動刀愈少愈好，做一次都怕自己會上癮，同埋多少都有副作用嘅！」

嫁人要睇緣份唔急得

已單身約3年的Mikki，感情生活單調，早前她大膽公開徵婚，至於徵婚條件：「第一最緊要合眼緣，否則就算好好條件，唔鍾意嘅話，都好難維持好耐。第二係要養得起自己同老婆，高矮肥瘦不是問題，同埋有冇feel。」（公開徵婚反應如何？）她笑說：「應該嚇親人，我唔係冇追求者，但行唔行到落去就要睇有冇緣份。」她續透露自己都有人約會，冇嘅話就會悶死，還表示好有信心自己可以在40歲前出嫁。之前她表示過只要日後遇到心儀對象，不排除會閃婚，因為結婚係需要有啲衝動嘅，如果啱嘅人出現，她隨時ready。◇