吳業坤演唱會誇口賣票 擔心禍從口出影響人

吳業坤警惕自己日後說話要小心。（吳業坤facebook）

昨日歌手吳業坤（坤哥）到商台宣傳將於8月10日在紅館舉行演唱會，因自己還要拍劇又要做演唱會的綵排，所以好忙，幸得劇組給他一、兩個星期時間去遷就，讓他可以開騷前有時間練歌。被問到早前在訪問中，自己曾誇口說：「演唱會飛一日就可以賣晒。」（有沒有覺得自己講大咗？）

後悔講錯說話

坤哥表示，當時講完這句說話，自覺講錯嘢，仲話日後要好好警惕自己，坤哥坦言:「呢句說話，係我一世人都會後悔的說話，講笑都要睇場合，睇事情的認真性、嚴重性。以前自己講說話只需向自己負責，但現在不同，其實做一個騷背後都有好多人為自己付出而努力，如果影響到他們就不是我個人的事了。所以現在講嘢都會提醒自己要慢啲，避免禍從口出。」（是否因這句說話被人責怪？）坤哥嘆道：「自己都覺得有問題時，人哋點會覺得冇問題？」希望通過這件事學習經一事長一智，以後說話要想過才講，避免一時衝動口快快講出來。